დღეს, როცა ონლაინ სივრცეში კონკურენცია სულ უფრო იზრდება, სა ...
რა არის UGC (მომხმარებლის მიერ გენერირებული კონტენტი) და რატომ არის ის მნიშვნელოვანი ბიზნესისთვის?
ციფრულ ეპოქაში აუდიტორიისთვის შესაბამისი კონტენტის შექმნა გადამწყვეტია. ბიზნესი მუდმივად ეძებს ახალ გზებს აუდიტორიის დასაინტერესებლად. ბრენდის ცნობადობის გასაძლიერებლად და გაყიდვების რაოდენობის გასაზრდელად. ერთ-ერთი ყველაზე ეფექტური სტრატეგია არის მომხმარებლის მიერ გენერირებული კონტენტის (UGC) გამოყენება. სოციალური მედიის პლატფორმებისა განვითარებასთან ერთად, UGC გახდა აუცილებელი ინსტრუმენტი ბიზნესებისთვის, რომლებიც ეძებენ აუდიტორიასთან დასაკავშირებლად ეფექტურ და შედარებით ეკონომიურ გზებს.
სარჩევი
რა არის მომხმარებლის მიერ გენერირებული კონტენტი (UGC)?
მომხმარებლის მიერ გენერირებული კონტენტი (UGC) მოიცავს კონტენტის ნებისმიერ ფორმას – იქნება ეს ფოტო, ვიდეო, ბლოგი, მიმოხილვა თუ კომენტარი – რომელიც შექმნილია ცალკეული ადამიანების, ჩვეულებრივ მომხმარებლების ან ბრენდის თაყვანისმცემლების მიერ და არა თავად ბრენდის მიერ.
რატომ არის მომხმარებლის მიერ გენერირებული კონტენტი კარგი?
უზრუნველყოფს ნდობას
ნდობა არის ერთ-ერთი ყველაზე მნიშვნელოვანი ელემენტი ნებისმიერი ბიზნეს-მომხმარებლის ურთიერთობაში. დღევანდელ მსოფლიოში მომხმარებლები სკეპტიკურად უყურებენ ტრადიციულ რეკლამას და მარკეტინგულ სტრატეგიებს. მათ სურთ ავთენტურობა და გამჭვირვალობა იმ ბრენდებისგან, რომლებთანაც თანამშრომლობას იწყებენ. აქედან გამომდინარე, UGC აღიქმება, როგორც უფრო სანდო, რადგან ის უშუალოდ რეალური მომხმარებლებისგან მოდის და არა თავად ბრენდისგან. როდესაც პოტენციური მომხმარებლები ხედავენ, რომ მათი თანატოლები იყენებენ და მხარს უჭერენ პროდუქტს, ისინი უფრო მეტად ენდობიან მას და განიხილავენ შესყიდვის პროცესს.
მაგალითად, მომხმარებელს უფრო მეტად სჯერა როდესაც პროდუქტს ბევრი დადებითი განხილვა აქვს მომხმარებლებისგან, ვიდრე მაშინ, როდესაც მხოლოდ სარეკლამო პოსტებსა და ვიდეოებს ხედავს. UGC უზრუნველყოფს ორგანულ, საზოგადოებაზე ორიენტირებულ კონტენტს.
ზრდის მომხმარებელთა ჩართულობას
UGC არის საკმაოდ მძლავრი ინსტრუმენტი მომხმარებელთა ჩართულობის გაზრდისთვის. როდესაც ბიზნესი აქტიურად მოუწოდებს თავის მომხმარებლებს რომ დაწერონ გამოხმაურებები და ჩაერთონ სხვადასხვა აქტივობებში, ის უფრო ღრმა კავშირს ამყარებს აუდიტორიასთან. მომხმარებლები, რომლებიც ხედავენ, რომ მათი კონტენტი გამოჩნდა ბრენდის სოციალურ მედიაში, ვებსაიტზე ან მარკეტინგულ მასალებში, თავს დაფასებულად გრძნობენ. ასეთი მიდგომა ხელს უწყობს ერთგული მომხმარებლების შეძენის პროცესსაც.
ამისთვის ბიზნესს შეუძლია შექმნას კამპანიები, რომლებიც წაახალისებენ აუდიტორიას. მაგალითად, შეიძლება სთხოვონ მომხმარებლებს რომ შექმნან კონკრეტული ჰეშთეგები და მათი გამოყენებით შეაფასონ კონკრეტული პროდუქტი, სერვისი ან გამოცდილება. ამგვარი ურთიერთობა არა მხოლოდ კარგ კონტენტს ქმნის, არამედ ხელს უწყობს მომხმარებელთა ჩართულობის გაზრდას და, საბოლოო ჯამში, ყალიბდება აქტიური, ენერგიული აუდიტორია.
ზრდის ბიზნესის ცნობადობას
UGC-ს აქვს შესაძლებლობა რომ ეფექტურად გაზარდოს ბიზნესის ცნობადობა. როდესაც მომხმარებლები აზიარებენ კონტენტს, რომელშიც მოხსენიებულია კონკრეტული ბიზნესი, ეს თავისთავად იწვევს ახალი ადამიანების დაინტერესებას. მარკეტინგის ასეთი ფორმა მნიშვნელოვანია არსებულ მომხმარებელთა ბაზის გასაზრდელად და ახალი მომხმარებლების მოსაზიდად. UGC-ს აქვს ძალა, ხელი შეუწყოს ბიზნესის ვირუსულად გავრცელებას ინტერნეტ სივრცეში, განსაკუთრებით მაშინ, როდესაც კონტენტი არის იუმორისტული ან ღრმად ემოციური.
ადამიანმა, რომელიც აქვეყნებს ვიდეოს, სადაც თავად ხსნის კონკრეტულ პროდუქტს და უკეთებს შეფასებას, შეიძლება მიიპყროს მისი გამომწერების ყურადღება, რაც თავისთავად გაზრდის ბიზნესის ხილვადობას. ამიტომ უნდა გვესმოდეს, რომ მომხმარებლების მიერ გაზიარებული ნებისმიერი სახის კონტენტი არის ბიზნესის ნაწილი, რომელიც გვეხმარება ფასიანი რეკლამების რაოდენობის შემცირებასა და ხარჯების დაზოგვაში.
ქმნის პოზიტიურ განწყობას
ეს არის ფსიქოლოგიური ფენომენი, როდესაც ადამიანები ენდობიან სხვა ადამიანების გამოცდილებას, ქმედებასა და მოსაზრებებს, რათა მიიღონ საკუთარი გადაწყვეტილებები. UGC მომხმარებლებს მოუწოდებს ენდონ თქვენს ბიზნესს, რადგან სხვებმა ეს უკვე გააკეთეს და გამოცდილება გააზიარეს. როდესაც პოტენციური მომხმარებლები ხედავენ, რომ სხვა ადამიანებს საკმაოდ პოზიტიური განწყობა აქვთ ბიზნესის მიმართ, ეს მათ თავს საიმედოდ აგრძნობინებს და უბიძგებს შესყიდვისაკენ.
მომხმარებელთა ჩვენებები, პროდუქტის მიმოხილვები და მომხმარებლის მიერ გამოქვეყნებული ფოტოები ხელს უწყობს ბრენდის, როგორც საიმედო პარტნიორის ჩამოყალიბების პროცესს. სინამდვილეში, UGC-ს შეუძლია მნიშვნელოვნად გაზარდოს კონვერტაციის მაჩვენებლები – კვლევებმა აჩვენა, რომ ამ მეთოდის დახმარებით პროდუქტების შეძენის ალბათობა 12-ჯერ უფრო მაღალია.
გვეხმარება დამატებითი ხარჯების თავიდან არიდებაში
მაღალი ხარისხის მარკეტინგული შინაარსის პოსტების, ბლოგების და სხვა სახის კონტენტის შექმნა საკმაოდ ძვირია. პროფესიონალი ფოტოგრაფების, ვიდეოგრაფების და კონტენტის შემქმნელების დაქირავება ხშირად დიდ თანხებთან არის დაკავშირებული. UGC გთავაზობთ უფრო ხელმისაწვდომ გზას, ვინაიდან კონტენტი თავად მომხმარებლების მიერ არის შექმნილი და სრულიად უფასოა. გარდა ამისა, UGC შეიძლება გამოყენებულ იქნას მრავალ არხზე – სოციალურ მედიაში, ვებსაიტებზე, ელექტრონული ფოსტის მარკეტინგულ კამპანიებში და სხვა.
UGC-ს ასევე შეუძლია დაეხმაროს ბრენდის საძიებო სისტემის რეიტინგის გაუმჯობესების პროცესს. საძიებო სისტემები უპირატესობას ანიჭებენ ვებსაიტებს, რომლებიც რეგულარულად აახლებენ ინფორმაციას. მომხმარებლის მიერ გენერირებული მიმოხილვების, კომენტარებისა და პოსტების მუდმივი ნაკადი საძიებო სისტემებს მიანიშნებს, რომ ვებსაიტი აქტიური და მიმზიდველია. უფრო მეტიც, UGC ხშირად შეიცავს შესაბამის საკვანძო სიტყვებს და ფრაზებს, რომლებსაც შეუძლიათ გააუმჯობესონ საიტის SEO.
როგორ წავახალისოთ მომხმარებლის მიერ გენერირებული კონტენტი (UGC)?
ბიზნესებს შეუძლიათ წაახალისონ UGC იმით, რომ მომხმარებლებს გაუადვილონ კონტენტის შექმნისა და გაზიარების პროცესი. ამისთვის რამდენიმე ეფექტური მეთოდი არსებობს:
კონკურსები და საჩუქრები: სთხოვეთ მომხმარებლებს გამოგიგზავნონ მათ მიერ გადაღებული ფოტოები, ატვირთეთ ისინი სოციალურ ქსელებში და გადაეცით პრიზები.
შექმენით ჰეშთეგები: შექმენით თქვენი ბრენდის ჰეშთეგები, რომლებიც მომხმარებლებს შეეძლებათ გამოიყენონ კონტენტის სოციალურ მედიაში გაზიარებისას.
წაახალისეთ მიმოხილვები: მოუწოდეთ მომხმარებლებს შეაფასონ თავიანთი გამოცდილება მიმოხილვების სახით.
საბოლოო ჯამში, მომხმარებლის მიერ გენერირებული კონტენტი (UGC) არის მძლავრი მარკეტინგული ინსტრუმენტი, რომელსაც შეუძლია არაერთი მნიშვნელოვანი სარგებლის მოტანა. ის აყალიბებს ნდობას, აძლიერებს მომხმარებელთა ჩართულობას, ზრდის ბრენდის ცნობადობას და არის ღირებული კონტენტის შექმნის ეფექტური გზა. თავისი პოტენციალით რომ გააუმჯობესოს SEO და დაუკავშირდეს უფრო ფართო აუდიტორიას, UGC არის ის, რაც არცერთმა ბიზნესმა არ უნდა დატოვოს უყურადღებოდ.
ბლოგი
ბიზნეს სიახლეები
Copyright © 2022. All Rights Reserved.
Powered By
